سيناريوهات الكرونا و الصنقرة في البيوت

🔴سيناريوهات كورونا و الصنقرة في البيوت🔴

🔹️مابين الواقعية و الخيال في تناول الشأن السوداني الذي يختلف عن ما يحدث في العالم🔹️
⛔في النسخة الاولي من كورونا كوفيد19 في نهايات 2019 و بدايات العام 2020 م وجهت الحكومة جماهير الشعب السوداني بالبقاء في المنازل أسوة بشعوب العالم في أوربا و آسيا و امريكا هذه الدول التي قامت اولا بتسهيل و توفير المستلزمات اليومية الخاصة بالمعيشة و اعدت جميع المتطلبات الخاصة والاحتياجات الصحية و المعيشية . الان ربما يحدث نفس الامر فقد كثر الحديث عن زيادات في الاصابات خاصة وسط المسئولين مما يعني ان توجيها قد يصدر قريبا بإعلان الإغلاق خوفا من الجائحة.
🤣سيناريو في حلة الضبيبينة🤣
▪︎لمة كبيرة وصوت من بعيد : يا ناس يا ناس الحقو الحقوا ..
▪︎أحد الواقفين : في شنو يا جماعة .. الكواريك جايا من حلة لا فوق ..
▪︎ود بشارة : انتو ما تسعلوا الطريفي يمكن يجيب لكم الخبر من الداهية البقولولا الوساطات دي..
▪︎علي ود الفضل : هداك محمد ود الاعيسر جاييكم من فريق لا فوق ..
▪︎ود ستنا : تعال تعال آاازول .. شن الخبر .
▪︎محمد ود الاعيسر : ها ناس انتو متكسرين و ملمومين هني و ما جايبين خبر .. مش الحيكومة قالت اي زول يقعد في بيته عشان الكرونا ما تودر اتركم ؟.
▪︎علي ود الفضل : شن الحاصل آااالمنحوس .
▪︎محمد ود الاعيسر : موضوع الصنقرة في البيوت القالوه شهر كااامل دة .
▪︎علي ود الفضل : الله لا كسبك دة كلام شنو دة .
▪︎محمد ود الاعيسر : قالو الحيكومة قالت الناس كلها خشم الباب دة ما يصلوه .
▪︎علي ود الفضل : في شان شنو كمان ، و الله الحيكومة دي بقت تجيبلنا المحن ، و الله ما باقيلا إلا تقولنا هواء الله دة ممنوع.
▪︎محمد ود الاعيسر: انت اصلك آاالغبيان ماك معذور .. ما عندك جهاز اندريا.
▪︎ود ستنا : أندريا شنو ياالوهم الشي دة اسمو أندرويد .
▪︎علي ود الفضل : طيب اها اسة شهر كااامل نصنقر في البيت و ما نمشي علي الإنقاية .
▪︎ود ستنا : أية و الله سمعت ود البصير قال الناس كلهن يقعدوا في البيوت .
▪︎علي ود الفضل : طيب ود بشارة برضو يقعد في البيت .
▪︎ود ستنا : قتلك الناس كلها ما تطلع .
▪︎علي ود الفضل : و الله شيتن يمنع عيسي ود بشارة ما يطلع من البيت علا يكون ختير.
▪︎مالك : ان بقي كدي دي عوجة ، الزويل ياهو العندو الكارو . المشكلة البجيبلنا موية الشراب من البير منو ،،، و الطحين و الخدار ،، كمان اهم حاجة التمباك علي الطلاق نبطل اي شيء علا الصعوط.
▪︎علي ود الفضل : اها معناها مافي سوق تلاتا و لا يحزنون .
▪︎مالك : و الله الحيكومة دي ما باقيلا إلا تقولنا موتوا عديييل كدة . كيفن اااجماعة نصقر في البيوت .
▪︎ود ستنا : انا سمعت تحت تحت كدي قالو الواسطات الفي التلفون دة بجيبلنا كل حاجة الاكل و الشراب و الصعوط و القش من الحواشة و الموية بالخرج و يسقي البهايم و يعجن الزبالة و يليس الحيط و يحلب اللبن .
▪︎مالك : و الله أمس بنية عيسي البتقرا في الجامعة ديك فتحت الواسطات الليلا و ورتنا مرةً تلقلق كدي قالت الناس يصنقرو في البيوت و يبقوا زي النسوان .
▪︎الخزين ود عيسي : كدي اصبروا اصبروا يا جماعة شايف وليد سر الختم المتفلفس دااك جاي علينا ، يمكن يدينا اللكيدة.
▪︎ياسر ود سر الختم : مساء الخير ياجماعة .
▪︎الخزين : كدي خلنا من دة و تعال بي جاي و ادنا خبر الكورونا القدو بيها اضانة دي .
▪︎ياسر ود سر الختم : نعم ياجماعة . دة مرض خطير و انتشر في كل أنحاء العالم عشان كدة لازم نبقي زي الناس و نعمل الاحتياطات و الا نروح في داهية. نخلي السبهللية البنعمل فيها دي ، التجمعات مافي ليها داعي ، الجلوس في البيوت ، غسل اليدين بالصابون، أي كحة او حمي طوالي نتصل بأرقام الطوارئ ، السلام باليدين مافي ليه داعي و حتي الصلاة في الجماعة نكون متباعدين. اصبروا اسبوعين تلاتة لامن ربنا يسهل ، و الموضوع دة موجود في الدين حتي الرسول صلي الله عليه و سلم في زمن الطاعون عمل نفس الاحتياطات دي بس بتختلف الطريقة يعني قال الناس ما يطلعوا من منطقة الطاعون و ما يدخلوا فيها يعني زي ما تقول كدي ياهو الحجر الصحي البقولوه دة . فهمتو. ؟.
▪︎ود الاعيسر : عاد أن بقي كدة نحن من هسة و تاني مانا طالعين تب ، علا كمان الحيكومة تشوف واجبة .
▪︎بلة ود سعيد: طيب يا مهندس المكرونة دي بتهبش اي زول و إلا عندها ناسات يعني ؟.
▪︎ياسر ود سر الختم : الكورونا .. هي وباء بصيب اي زول ما بلتزم بتوجيهات وزارة الصحة ، يعني تلتزموا بيوتكم ما تطلعوا الا الشديد القوي و ما تتسالموا باليدين و ما تتزاحموا و ما تتلاصقوا.
▪︎بلة ود سعيد : و الله جبتلك خبر ، طيب المسئولين الحايمين و يلملموا في الناس ديل ما البنية القالوا عملوها وزيرة ديك ليش جايبنها في التلفزيون حايمة من كبري لي كبري و كمان لامالك بتجيهم الداهية دي .
▪︎ود الضهيبان : هووووي يا ود سعيد و الله انت و معاك ود الاعيسر علا تودونا في داهية .
▪︎طه ود رجب: و الله ود سعيد كلامه صاح اسة عليك الله اللمة العملوها ناس الحيكومة الغبيانين ديل في الساحة الخضراء مش فضيحة و الله ان بقي كورونا دي حقيقة علا ما تفضل فينا نفاخ النار .
▪︎ود الضهيبان:ساحة الحرية ساحة الحريااااو يا زول ، انت ما سمعت انه غيرو الاسم .
▪︎طه ود رجب: ياها انجازاتن ، غير تغيير الاسامي عندهم شنو . غايته بس الخمسة في الاتنين 🤭.
▪︎بلة ود سعيد : عليك الله خشمك دة صمو ، علي الطلاق ديل ماهن فاضين من الكضب .
▪︎ود الضهيبان : استغفر الله العظيم ها زول داير تودينا في داهية مالك . الجماعة ديل قالوا اصبروا شوية كل شيء بتصلح انتو ما كنتو محكرين ٣٠ سنة و خشمكم دة حاشنو .
▪︎ود الاعيسر : اية و الله . علا لكين ما دايرين يتحركوا من سنة اولي دي و يورونا شغلن .
▪︎حامد ود العوض : اها يا الطريفي يا اخوي ات ود الضهيبان دة عينوه وزير ولائي والا وزير دولة و الا وزير عديييل كدة ، شايفو واقف مع الجماعة ديل ..
▪︎الطريفي : عفو عفو يا ود العوض ود الضهيبان شنو الببعينوه وزير عديل علي الإيمان الجماعة المتحكرين فيها ديلك ما يدوهو فرقة .. لكن تعال جاي ارخي اضانك اللقولك شي بيناتنا الزويل دة مو كفاءة يعني من الكفاوات ، اية و الله .
▪︎يتدخل ود جار النبي : هلا هلا و الله يا الطريفي بقيت مثقف و كمان تعرف الكفاوات .
▪︎الطريفي : عفو يا ود جار النبي الكفاوات دي في زولا ما بعرفا .
▪︎ود جار النبي : اها كدي ورنا اياها .
▪︎الطريفي : الكفاوات دي يااالغبيان زي ما تقول كدي لمن الزول يكون متلقي حجج يقوموا يشغلوه بي شيتا كدي يكافو شره اها دي الكفاوات ، علي الطلاق مما يعينو اها السكتة الياها .
▪︎ود جار النبي : يعني اسة الجماعة البشييييلو و يعينو فوقن كل مرة ديل يعني دايرين يكافو شرهم و الله يا الطريفي اخوي جبتلك خبر .
▪︎الطريفي : الجماعة ديلك مو خربو البلد اسة جايبين ناس موحوماد ود جاب السيد و ود الضهيبان الكفاوات ديل عشان يعدلوها .
▪︎ود العوض : علي الطلاق ليهن قريب السنة يسوطوا و يعجنوا فيها و الله التكتحن ما قدروا عليها، كل شيء يهبشوه يقولوا جماعة اللخيان مكجرنهن و عاملن لهم فيه عمل .
▪ود اللمين : اها خلونا من دة الخزين ود السرة داااك البحلهن منو شنو و كيفن يكافو شره ..
▪ود الشيخ : ايا و الله الخزين وليد السرة بت الله جابو من الكفاوات و كمان عندو ضهر و وراه قبيلة ، عشان كدة قالوا خلقولو وزارة جديدة تكون مسعولة من حل المشاكل من ضمن صلاحياتها تكون مسعولة من الدرداقات و اول شيء بدابو مشي فريق الضبيبينة باقي ابراهيم ود مساعد متكاجر مع النور ود العازة فوق الدرداقات و الحمد لله حل المشكلة .
▪ود اللمين : الحممممممد لله و كيفن حلوها ،،
▪ود الشيخ : و الله قالو يبنولن موقف اللِيل درداقات جنب السويق القديم و يكون مسعول منو ابراهيم ود مساعد و يبنولن ويحيدا تاني في طرف القويز اللافوق و يمسكوه النور ود العازة و كل واحد يلملم موارد السويق . بس قالولن اوعاكم من التجنيب ، و كدة يادار ما دخلك شر ،،
▪ود اللمين : عفيت منك ااالخزين ات من قمت ماك حلال المشاكل . حرم دة التختيت الاستراتيجي و الا بلاش ،، علا يا ود الشيخ المرة دي كمان جبتلنا شيتا جديد الموارد يعني شنو و التجنيب يعني شنو .
▪الطريفي : والله يا ود ريا انت اصلك ما بتفهم .. أسع الناس يجوطو كل يوم و يلوصو في التلفزيون و الرادي و التلفونات و الجرايد و يقولولكن الناس لهطوا الموارد و الكفاءات جاية ترجعلكم حقكم و توقف التجنيب حماية للمال العام و انت لسة ما فهمت حاجة ..
▪ود ريا : والله ساامع علا لكن والله ماني خابرن قاصدين شنو والله هن في وادي ونحن في وادي .. نحن دايرين الكسرة و الويكة تكون رخيصة وبس والله تاني ما دايرين منهم شي .
▪الطريفي : اها يا ود ريا اللشرحلك الموارد .. شايف الكويم الليل الزبالة القاعد هنوك الليل منو .. مش هيل الارباب .. اها دي زي ما تقول كدة دي الموارد .. و مش وليدو الفضل مرة مرة كدي بشيل منو و يدسدس قدام اللوضة التحتانية ديك و ما بخبر ابوهو يعني زي ماتقول بالعربي كدي سرقة .. اهااا دة التجنيب البقصدوهو ..
▪ود ريا : الله يجازي محنك ياااا الطريفي باقي انت ماك زول محن .. زمان ما قتلك حقو يعينوك وزير .. اسة عليك الله هم اخير منك بي شنو علي الطلاق يعينوك وزير علا تبشتنا ليهم جنس بشتنة ..هي مش الشغلانة بشتنة والا شيتا آخر ..
( كشف بأسماء المناطق المعنية بالصنقرة في البيوت عشان الكرونة))
الشكينيبة
و الضبيبينة
و عد الغنم
و دبة التكل
و وادي هور
و قرورة
و حلة الفقراء
و عوج الدرب
و الاركي
و تنقاسي
و الوساع
و الخليلة
و العقدة
و كرش الفيل
و الحوش
و الدنيقيلة
و الكرو الاحامدة
و دار مساليت
و الحجير
و الخوي
و جبرة
و حمرة
و الطويلة
و المسيكتاب
و قوز قراقي
و الدبة
و سنار التقاطع
و الخوجلاب
و الازيرقاب
و الكاسنجر
و المحمية
و السيال
و حجر الطير
و حجر العسل
و سوبا شرق
و ام ضبان
و الباقير
و الحلة الجديدة
و ام بدة
و دار مالي
و قندتو
و الجنيد
و السروراب
و الجريف شرق
و المكنية
و عطبرة
و سرف عمرة
و الطويلة
و رهيد البردي
و كجبار
و كجبي
و همشكوريب
و مليط
و حلو مرة
و تنقسي
و وادي عروس
و المعيلق
و فداسي
و الفشاشوية
و الشوافة
و معتوق
و الجاموسي
و العيلفون
و الدارباب
و الشاويشاب
و الحسيناب
و الدومة
و الضيقة
و البرصة
و الاراك
و الجنينة
و جزيرة بدين
و عكاشة
و كرمة البلد
و مقاصر
و كركوج
و مدني
و شندي
و اللعوتة
و مرزوق
و كرور
والقضارف
و باسندي
والكرمك
ودار السلام المغاربة
والمسيكتاب
والمرابيع ود اللبيح
و مرابيع الشريف
و برى الدرايسة
و اللاماب بحر ابيض
و كرنوي
و الفولة
و الرهد التكنة
و الأبيض
و فاشر السلطان
و مروي
و جيل اوليا
و الرصيرص
و الحصاحيصا و البلد جاطت

و دامر المجذوب
و بربر
و ودرملي
و الفاو
و الحاج عبد الله
و مايرنو
و الفكي هاشم
و الدباسين
و ود عجيب
و الحلة البيضا
و الغريبة
و ود ارو
و الفادنية
و الزريبة
و جبل الرويان
و الراوات
و الدويم
و القطينة
و حسينارتي
و مساوي
و دويم ود حاج
و الركابية
والباندغيو
و الدلنج
و التمتام
و ود الحداد
و غريقانة
و النهود
و حي ازهري كوستي
و الشكابة
و التقابة
و قنتي
و ود الترابي
و القلابات
و الفولة
و زالنجي
و قنب الأسد
و لولو امارة
و كادوقلي
و الدبيبات
و ارقين
و شبشة
وتنّوب
كبد اليتيم و العيكورة
و القريقريبة
و معيجينة
وأم دقرسي
وأم جريس
و أبو دليق
و خراج الروح
و زقلونا
و ام جمط
و ابو عضام
و التكيلات ..
و قضيضيم...
و ام قلجه...
و ام ريكا...
و ام حفيره..
و ام بجيني..
و ام دلق التوب..
و الدومه ..
و الذريقه ام ترب...
و الخشيم...
و الحمار نكس..
و ام صفقا عراااض
و حشرو عباس
و كمِّل نومك
و مناقزا
و نقزو
وحليوه
و الرتينه بقت
وركبتي زاقت
وكاب الجداد
والسديره
وكجنة الخلوات
وأكرب صلبك
وجابو أجلك
و أبقدوم
و طبقة
و معصورين
و البردانة
و عد الغباش
و عد الحاج
و ودساوي
و عبد الجليل
و دبيرة
و أرقين
و أشكيت
و دغيم
و فرس
و سره
و جمي
و دبروسة
و امبكول
و أمكة
و فركة
و مفركة
و صاي
و صيصاب
و سمت
و أبوفاطمة
و أوربي
و بنا
و الغابة
و تنقسي
و مقرات
و دقش
و أبوديس
و مبيريكة
و كنور
و حجر الطير
و حجر العسل
والعسيلات
و حوش بانقا
و ودحسونة
و أبودليق
و قيلي
و ودأبوصالح
و تمبول
و الصباغ
و أم شديدة
و ريرة
و السبعات
و أصبري
و شلكي
و المقطع
و الشجراب
و أم جداد
و كاب الجداد
و ود الحليو
و قدمبلية
و الشبارقة
و البشاقرة
و ود الفادني
و الدونيب
و أم دقرسي
و القريقريب
و اربجي
و القلقالة
و الضقالة
و البطاحين
و الشاوراب
و قنب
و الطالباب
و العيكورة
و أبو حراز
و التلكة
و التكلة أبشر
و فداسي العامراب
و فداسي الحليماب
و وادي شعير
و طابت
و صراصر
و الكريمت
و ودعشانا
و الشقة
و الشقيلاب
و هجليج
اهل بعض المناطق احتجو لعدم ورود مناطقهم ، و عملوا صبة و وقفات احتجاجية و اضراب عن العمل (اصلو مافي عمل) لذلك قمنا بعمل ملاحق : مهلة
و الدرادر
و الربيجود
و المهيدات ام بلي
و الفرحاب
و كلحية
و كجبي
و الكوانجي