-- من يخطط لبلادي -------
---- تحركات وزير التختيت والعمران والبني التحتية والسياحة ...
.. السيد محمد ود جاب السيد ------
(( جاء في الخير - سونا - : شهد نائب رئيس الجمهورية حسبو محمد عبد الرحمن الأحد 16 نوفمبر 2014م تدشين حكومة ولاية الخرطوم للتقرير الإستراتيجي السنوي للولاية للعام 2013م بفندق السلام روتانا وسط مشاركة فاعلة لقيادات الدولة والولاية والوسط العلمي ورجال السلك الدبلوماسي وقيادات الأجهزة الإعلامية والصحافية .)) انتهي الخبر .....
الطريفي : يا علي ود ريا علي الإيمان زويلك الوزير ود جاب السيد قالو عمللو مؤتمر صحفي تاني للتختيت الاستراتيجي ..
ود ريا : انت الخرابة دة مالو جنو مؤتمرات صحفية .. أها المرة دي جاب شنو .
الطريفي : اااازول والله لماالك جنس خلق لا عند السفراء الأجانب ماخلاهن وناس الصحافة والتلفزيون وأساتذة الجامعات .
ود ريا : عفيت منو هو ماهو كريم و ديل كلهم أكلن وشربن؟
الطريفي : أيا والله باقي ميزانيتو مو مفتوحة و و عندو مال تجنيب و مواردو ممنوحة ..
ود ريا : عليك الله اااالطريفي خلنا من دة كلو .. الميزانية المفتوحة دي المرة الفاتت عرفناها .. المرة دي كمان جبتلنا شيتا جديد موارد يعني شنو و مال تجنيب يعني شنو .
الطريفي : والله يا ود ريا انت اصلك ما بتفهم .. أسع الناس يجوطو كل يوم و يلوصو في التلفزيون و البرلمان و الجرايد و يقولولكن الموارد و التجنيب و انت لسة ما فهمت حاجة
ود ريا : والله ساامع لكن والله ماني خابرن قاصدين شنو والله هن في وادي ونحن في وادي .. نحن دايرين الكسرة و الويكة تكون رخيصة وبس والله تاني ما دايرين منهم شي .
الطريفي : اللشرحلك الموارد .. شايف الكويم الليل الزبالة القاعد هنوك حق منو .. مش هيل الارباب .. اها دي الموارد .. و مش وليدو الفضل مرة مرة كدي بشيل منو و ما بخبر ابوهو يعني زي ماتقول كدي بالدس يعني بالعربي كدي سرقة .. اهااا دة التجنيب البقصدوهو ..
ود ريا : الله يجازي محنك يا ااا الطريفي باقي انت ما بتاع محن .. زمان ما قتلك حقو يعينوك وزير .. اسة عليك الله هم اخير منك بي شنو علي الطلاق يعينوك وزير علا تبشتنا ليهم بشتنة ..هي مش الشغلانة بشتنة والا شيتا آخر
---- تحركات وزير التختيت والعمران والبني التحتية والسياحة ...
.. السيد محمد ود جاب السيد ------
(( جاء في الخير - سونا - : شهد نائب رئيس الجمهورية حسبو محمد عبد الرحمن الأحد 16 نوفمبر 2014م تدشين حكومة ولاية الخرطوم للتقرير الإستراتيجي السنوي للولاية للعام 2013م بفندق السلام روتانا وسط مشاركة فاعلة لقيادات الدولة والولاية والوسط العلمي ورجال السلك الدبلوماسي وقيادات الأجهزة الإعلامية والصحافية .)) انتهي الخبر .....
الطريفي : يا علي ود ريا علي الإيمان زويلك الوزير ود جاب السيد قالو عمللو مؤتمر صحفي تاني للتختيت الاستراتيجي ..
ود ريا : انت الخرابة دة مالو جنو مؤتمرات صحفية .. أها المرة دي جاب شنو .
الطريفي : اااازول والله لماالك جنس خلق لا عند السفراء الأجانب ماخلاهن وناس الصحافة والتلفزيون وأساتذة الجامعات .
ود ريا : عفيت منو هو ماهو كريم و ديل كلهم أكلن وشربن؟
الطريفي : أيا والله باقي ميزانيتو مو مفتوحة و و عندو مال تجنيب و مواردو ممنوحة ..
ود ريا : عليك الله اااالطريفي خلنا من دة كلو .. الميزانية المفتوحة دي المرة الفاتت عرفناها .. المرة دي كمان جبتلنا شيتا جديد موارد يعني شنو و مال تجنيب يعني شنو .
الطريفي : والله يا ود ريا انت اصلك ما بتفهم .. أسع الناس يجوطو كل يوم و يلوصو في التلفزيون و البرلمان و الجرايد و يقولولكن الموارد و التجنيب و انت لسة ما فهمت حاجة
ود ريا : والله ساامع لكن والله ماني خابرن قاصدين شنو والله هن في وادي ونحن في وادي .. نحن دايرين الكسرة و الويكة تكون رخيصة وبس والله تاني ما دايرين منهم شي .
الطريفي : اللشرحلك الموارد .. شايف الكويم الليل الزبالة القاعد هنوك حق منو .. مش هيل الارباب .. اها دي الموارد .. و مش وليدو الفضل مرة مرة كدي بشيل منو و ما بخبر ابوهو يعني زي ماتقول كدي بالدس يعني بالعربي كدي سرقة .. اهااا دة التجنيب البقصدوهو ..
ود ريا : الله يجازي محنك يا ااا الطريفي باقي انت ما بتاع محن .. زمان ما قتلك حقو يعينوك وزير .. اسة عليك الله هم اخير منك بي شنو علي الطلاق يعينوك وزير علا تبشتنا ليهم بشتنة ..هي مش الشغلانة بشتنة والا شيتا آخر
ليست هناك تعليقات:
إرسال تعليق